طلعت عامر
**** اشتكينا ****
//////////////////////////
اشتكينا واتنسينا
كل يوم نصبح نقاسى
واللى باعنا واللى خانا
عُمره مافكر يقاسى
دا الهوا عنده مدارس
للى حابس واللى كابس
والبعـــاد عنه مآسى
كان هنا ف نفس المجره
عاش وكان هو المضره
يسعد القلب التمــاسى
شدنى م العين بنظره
والهوى عنده منــاظره
ف الكلام الحلو قـــاسى
كنت شــايل له غــلاوته
كان ف نفسى أبقى غايته
هو كان شاغل لى راسى
حتى فِكرى كله ليه
والكلام كله علــيه
هو حِيرتى هو كــاسى
اشتكينا واتنسينا
كل يوم نصبح نقاسى
مين ف حيرتى وانشغالى
مين ف حاله زى حالى
مين يحب يعيشها نـاسى
حد فكَّر يوم يقول لــــه
إِنِ هاوى حتى ضلـــه
حتى أصبح من حواسى
كان عينيه تملى طاله
شمس نوره وهى طاله
فجأة أصبح مش مقاسى
له تغـــادر عن عِينيَّه
تُسكن الدمعه ف عينيه
تضرب النور بالكراسى
قول لنفسك مره كلمه
خلى قلبك عنده رحمه
أنا حاسك وإنت قــاسى
