جارى التحميل
استخدم زر ESC أو رجوع للعودة
دمعه يتيم
شايف يتيم واقف بيبكى ....
من فعل الناس لربه بيشكى ....
قربت منه وقولت أمسح دمعته ...
بكيت أنا لما سمعت قصته ....
الدنيا جت عليه ما نصفته ....
راحوا الأهل وتركوه فى الدنيا غريب ...
فى وسط عيلته مش لاقة حبيب ...
اليتيم وصى عليه الرسول ...
وقال لا تبكى عنيه حتى لو بالقول ...
وقال أنا وكافل اليتيم كهاتين ...
وأشاره بالسبابه والوسطى فى كلتى اليدين ...
ليه اليتم بينا بننساه ...
وليه نزود الجرح اللى جواه ...
وليه فى المه وحزنه منشيلشى معاه ...
قالوا يا بخت اللى يرسم على شفايفه بسمه ...
الجنه بتكون له هى النصيب والقسمه ...
أمسح بأيدك على راس اليتيم ...
والله دى أجرها عند ربنا عظيم ...
كفايه الدنيا حرمته من أغلى الناس ....
اللى كانوا فى حياته هما الاساس ...
ربنا والرسول وصى عليهم ...
قال فرحهم بدل ما تبكى عنيهم ...
كن له الأمن والأمان ...
أعطف عليه وخلى اللى فى صدرك قلب إنسان ..
دور على اليتيم فى كل مكان ...
اسعده وفرح قلبه كمان ...
وصدقنى أنت الكسبان ..
بقلـــــم: عــــــادل الشــــــهــــابى
