,,,,,,,,,,,,, ثوره ولا كدبه ,,,,,,,,,,,,, بقلم الشاعر عبدالواحد محمد
عملنا ثوره ولا كدبه وعشمونا
البطاله والزباله وع الوجع بيجمعونا
الزراعه أتدمرت والفلاحين بيمدو أيدهم
بيتسولو شاهدو الحقيقه اللى خفوها
شوفو دمعه اللى فعنيه قد أيه
نهر سايل والدموع والله خايف يجى يوم ويبعوها
البيوت مليانه قهره على اللى مات
وأم الشيد قال أيه بصوره كده كرموها
ومن الوجع والكلام والله خايف الغلابه يصدروها
كل مانسأل سؤال نلقى الجواب حزوره حلوه
شوف سوريا والعراق ولا ليبيا واللى فيها
الزباله فى الشوارع متكومه فى كل مطرح
والمقابر لسه برضو الخلايق سكنه فيها
أنا مش بعاتب ولا بزم وبرمى لوم على أى حد
بس عوزين مسؤلين الوجوه الدماء تجرى فيها
يعنى مسؤل عندو دم عندو دين أو ضمير
ويخاف الاهو ويعرف بأن المناصب للزوال والقبور
رجعين اليها
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,, رساله لرئيسى ,,,,,,,,,,,,,,,
شوف ياريس دى رسالتى أرجو منك كلمتين
أختار رجال تملك ضمير والغرور يكون نسيها
شوف ياريس فلاحينا من الكرامه محرومين
أرضهم شربت مجارى و ع الثماد متشوقين
والعماله أتجرعت سم المهانه والعذاب
وعلى الرغيف بيدور وحتى الرغيف مش لآقين
لما واحد بالفجر يصحى يجيب رغيفو بالطاقه
والآنبوبه بالبطاقه والله خوفى يجوزنا بالبطاقه
والولاد يخلفوهم بالبطاقه
أعرفو بأننا لينا طاقه ومن وجعنا راح نقول ألف أه
بس لو قولنها راح نقولها وموجعين
الوجع بيخرج الواحد شعوره نفسى أدمع
والله دمعى جوه عينى أبى ينزل والدمعتين متجرين
شوف ياريس أخر كلامى فى الرساله
اللى عارفها هيرموها الزباله ويقولو عنى واد سفيه
ولا يخدونى لبعثه محضرنها من سنين
حتى مجلس الشعب الجديد الله يديمو
الوجوه هيه هيه من سنين وحزب وطنى جمعوه
وقفو حمزه وعلى الجياع متجمعين
الوجوه لبسه قناع الغش تانى وبالبطون
والجوع ياريس مسيطرين
والله بنحبك ياريس وكلنا على خلفك مجتمعين
بس هات ناس تحس بضعفنا تتقى ربنا
فى الصغير والكبير
السلام والتحيه ياريس متعطرين
,,,,,,,,,,,,,,,,,,,,,,,,,,,,,,,,,,,,,,,,,,,,,
كلمات الشاعر
عبدالواحد محمد
