... ما تنكسرش ...
وايه قولك
والقصه لسه
فى بدايتها
وﻻ حد يعرف
ايه اخرتها
أو نهايتها
فى ناس
طريقها مرسوم
لحياتها
وغيرها بتسعى
عشان تحقق ذاتها
واللى ما تفرق
معاهم ويا حسرتها
لما تشوف الغير
بيتقدم عليها
وسبقتها
لو كل واحد
يعرف يختار
لنفسه سكته
ويقدر ازاى
يحط اقدامه
لخطوته
وما ينكسرش
لو الظروف
الصعبه وجهته
اكيد حا تمر عليه
وحايعرف ان هى
اللى علمته
انا كان ممكن
اسكت
وما أتكلمش
واعمل نفسى
مش شايف
لكن لحد امتى
حا أفضل خايف
لحد ما كل الفرص
تضيع منى
وساعتها
الوم مين
المفروض
الوم نفسى
وأقول
هى دى اخرتها
انا صوتى
ما اهواش واطى
وﻻ حا أرضى
انى اطاطئ
عشان ايه
عشان عيشه
حا تكسر نفس
بﻻها تكون دى
عيشه آه يا دنئتها
يا مين عارف
ﻻننا صبرنا
على احوال
واتحملنها
حايكون ايه
الجزاء ساعتها
الشاعر كمال كرباش
