بيا وبيك راح نبنى بلدنا
ويا الأهل وكل ولادنا
راح نبنيها ونعاليها
بفكر عقولنا.. وبسواعدنا
بيا وبيك الخير ها يزيد
طول م الإيد كده ماسكه الإيد
طول م قلوبنا على بعضينا
بكره شموع الفرح تقيد
مصر بلدنا ومستقبلنا
هى الحلم وهى أمالنا
راح نبنيها ونعاليها
ويا شبابنا وكل رجالنا
ها أبدر فيها الخير وأملاها
ويا شبابنا اللى بيهواها
تبقى الحضن اللى يدفينا
وأبقى أنا وانت أعز ضناها
بكره الصحرا ها تشهد لينا
ونخضرها وتكفينا
ويا القمح الطارح فيها
تلقى الشهد اللى بيروينا
تلقى تروس وماكن ومصانع
تلقى القمح و مالى صوامع
لما قلوبنا الخير يملاها
تلقى كنيسه بتحضن جامع
احنا لمصر نبقى ولادها
هى اساسنا واحنا عمادها
مرويين من نيلها الطاهر
ومكفينا خيرها وزادها
احنا ولاد مصر الجدعان
همه وعزم ف كل مكان
راح نبنيها ونعليها
واشهد يا لا علينا يا زمان
كلمات / رضا أبو الغيط
