محمدعبدالرحيم (( لحد الخوف ))

لحد الخوف
..........
لحد الخوف 
وكفاية ..
جربت تعيشه
معايا
وتشوفنى
من دلوقتى ..
وأنابمشى 
وأبص ورايا
لحد الخوف
وكفاية
..........
الحزن .. الخوف
والغربة ..
دول معنى 
واخدنا لبعض 
وإحنا في دنيا
غير الدنيا ..
ولا مع الناس
ع الأرض
تتحمل .. كنت
أتحمل ..
نتبادل في 
الصورتين
تتحدى .. أتحدى ..
نكمل 
مانقولش
وصلنا لفين
ولاكانش ناقصنا
ساعتها ..
غير الإحساس
بالخوف
وآدينا عرفنا
الخوف 
ماتكونش بقيت
متأكد ..
إن الأحلام 
بتموت
وإن الأيام حتفوت ..
على عكس
رضاك ورضايا ..
لحد الخوف
وكفاية
............
دلوقت رافضنى
أتكلم ..
مادموعك برضه
كلام
أنا قصدى
تحس بضعفى ..
تفهمنى
إن قلت حرام ..
تفهمنى إن قلت
الخوف ..
كان صعب
في يوم نقراه 
بين شوقى
وشوقك عدى ..
من بعد
ماكنا وراه
علمنا إزاي نتألم ..
على دمعة
حلم برئ 
عمره ماوصلنا
لشيئ
شايف .. سامع
متأكد ..
حاسس لكن
متردد ..
تعلن إحساسك
جنبى ..
وكأنه ماهوش
جوايا 
ولحد الخوف
وكفاية
............
ليه نستسلم للخوف ..ليه ..ليه نعترف بيه .. ونعيش فيه ..دا الحب إن كان حب مايعرفوش ..ومشاعرنا لو كانت صادقة ..ماتقربلوش ..الخوف طبيعة إللى ما قدروش يفهموا بعض ..إللى حاولوا يحبوا ..ولاعرفوش
محمدعبدالرحيم