جارى التحميل
استخدم زر ESC أو رجوع للعودة
أن كل الدنيا نامت
وأنا سهران وحيد
والظلام حولى يصرخ
يهزنى من داخلى
بس فية شعاع نور
جايب الأمل جاى
من بعيد
كنت بين صاحى ونايم
كنت هايم
فى ايامى اللى فاتت
وفكرى شريد
بس افتكرتك
يوم ما كنتى بتودعينى
يوم ما قررتى تسبينى
تنكرى أنك فى يومها
شوفتى فى عينى
صورتك المهم
كنتى واقفة يومها وماسكة
فى أيدك شنطة ملابسك
وفى أيدك التانية هاتفك
يومها أفتكرتك !!!! هتطلبينى
بس لما قربت منك
وصل صوتك ليا وسمعتك
من حديثك عرفت انك
للأسف بتبعينى
بتكلمى شخص تانى
مخدوع جديد اخد مكانى
هتروحى معاة وتسبينى
وقربت منك
وبلهفة سألتك
دة مين ورايحة فين
ساكتة لية
كلمينى بسألك جاوبينى
فاكرة قولتى رايحة رحلة
لاء مسافرة وهغيب لفترة
أعصابى تهدا وبعدها
يمكن ارجع
سألتك وانتى مسافرة
هتكلمينى أكيد عليكى
هتطمنينى
رديتى لاء
دة سفر طويل
أرجوك أنسانى
بلاش تفكر
فيا وتسهر
حاول هتقدر
على غيرى دور
وأنا معاكى سيارة وقفت
هناك قبالى أبوابها فتحت
الرؤيا وضحت
صدقت عينى
وشاب شاور يلا تعالى
بسرعة لية انتى مشيتى
ركبتى معاة وأختفيتى
سبتينى واقف وكمان نسيتى
وأنتى ماشية تودعينى
سبتى سهم رمشك فى قلبى
سبتى جرح حيك تعبنى
سبتى دمعة فراق فى عبنى
أكيد هتعب يا حبيبتى بعدك
اكيد هيفرق معايا بعدك
لاكن هعيش واداوى جرحك
الحياة باقية بعدك
لابد اعيشها واكمل سنينى
----------------------------------------------------
بقلم \ سعيد أبو سالم
---------------------------------
إعجاب · · مشاركة
