جارى التحميل
استخدم زر ESC أو رجوع للعودة
تخاريف شاعر
=========== بقلم عونى هشام
انا عايز اكتب
اكتب ايه تاهت الافكار
شغلت عقلى
بس ليه وليه احتار
------------------------
اكتب رثاء اكتب هجاء
اكتب غزل فى حرف تاء
تخاريف ومش لاقى نهاية
وكل تعبى راح هباء
------------------------
الحبر جف والريق نشف
وسط البروده عرقى نزف
لملمت اوراقى واحبارى
وقلت انام الحرف م البرد رجف
--------------------------------
وسط المنام حلمت
حلم مش تمام
يمكن كابوس يمكن
ويمكن والسلام
زحمة يا دنيا
وحتى زجمة فى المنام
-----------------------------
رجعت اكتب
تاهت المعانى و الكلام
والحبر جف وضاعت الاقلام
واحترت فى التخاريف
اسهر معاكم ولا انام
=========== وليدة لحظة
\\عونى هشام \\
