جارى التحميل
استخدم زر ESC أو رجوع للعودة
.... لطشة قلب ........
اقفل يا قلبى
باب الحب
اقفل عليه
وحط السد
اوعاك تانى
لحد تدق
حتى لو جالك
وخبط على بابك
شد الاكرة وصد
ما انت لا هتعرف
تكدب ولا تتلون
ولا تخدع ولا تتحول
ولما تحب
تحب بجد
خوفى عليك
بيصحيك
اوعى تعيد
القصة م الاول
وترجع تانى بجرح
اوعاك تعصانى
واسمع مرة كلامى
اسمع صوت العقل
خبى جروحك
وعيش لروحك
وبلاش تانى
ترق لحد
اغلب شوقك
اعصى خنوعك
انسى عهودك
واحذف كلمة حب
جرحك لسة بينزف
ذنبك لسة بيخلص
الدنيا دى مش دنيتك
ولا الغدر كان صنعتك
دنيا مشخبطة
متلخبطة
مفيش فيها
مكان للعهد
دنيا غشوشة
وشوشها بشوشة
لكن السواد فى القلب
.........................
اقفل ياقلبى
باب الحب
اقفل عليه
وحط السد
اوعاك تانى
لحد تدق
كفاية جراح
كفاية الم
كفاية مأسى
ودموع وندم
كفاية ركوع
كفاية خنوع
باسم الحب
خليك بارد
خليك قاسى
اوعى تصدق
يوم احساسى
كفاية عذاب
كفاية سراب
كفاية عناد
كفاية احلام
وبلاش تشغل
نفسك بالاوهام
ليه غاوى تجارب
ليه عاوز
تشرب تانى مرارك
وتعيش تانى
فى نارك
اوعاك تنسى الدنيا
وتعيش تانى
احلام فى الجنة
اعلنها توبة حق
واخلع توب الود
واكفر بكل صنوف الحب
ابو العبادى
