جارى التحميل
استخدم زر ESC أو رجوع للعودة
قلي انت يا اسمك ايه
انتي يا هانم ويا سعادة البيه
فرحان بالنجاح ولو بالغش
ده زي القهوة لي من غير وش
عمال بتنقل من هنا وهناك
تنسب ليك وسايق على هواك
من هنا كلمة وهناك حرف
وصاحبها كتبها ونزلها برف
وبتحلف يمين انك ما بتسرق
وان الناس عايزة بيك تلزق
وان السرقة ليك بتتلفق
ولو جابولك ميت رابط
برضك تنكر وعامل ضابط
كتابتك منين جاتك نيلة
فاكر روحك عايش بالفضيلة
كتابتك منين متقول يا عمنا
ما السرقة خلاص بقت بدمنا
كتابتك منين ما تقول يا فنان
سارق من غيرك وملونو ألوان
بتضحك علينا ولا على نفسك
ما تبطل يا عم وتنكسف على دمك
نازل نقل من صفحات
من كذا جروب ومنتديات
ولك عين تسألنيعجبك شعري؟
بضحك جوايا ولضحكتي بداري
تقلي تاني قولي وما بس وما تخبيش
اقلك يا باشا لا ما فيش
السرقة سرقة حتى لو لكلام
خليك عصامي ولا شهرة من حرام
الدنيا زايلة عشها بسلام
واكتب حروفك من نفسك بنظام
حتطلع حلوة وتمام التمام
خليك كده عادل ملتزم
احسن ما فيوم تنضرب بالجزم
اكتب باحساسك نجفة حلمك
على أوراقك اكتب حزنك
أو أفراحك وسكة جرحك
صدقني حلمك حيمحى الظلمه
وتفخر بكتابك ومن غير تهمة
انك سارقها من فلان
أو ,اخدها من علان
كلامي عام وماهوش مخصوص
وموجه عامة لكل اللصوص
سرقة حرف أو سرقة بيت
زي بعض مهما داريت
كلامي لبعض ضعاف النفوس
عايزين يعيشونا كده فكابوس
زمن معيوب أيام سفيها
دنيا مقلوبة عاليها واطيها
كلماتي عائشة علي الحسن
