الاخوه الاصدقاء
عوده الي كلمات من الزمن الجميل
لقاء من سلسله مساجلاتي مع الشاعره الراقيه الاستاذه ميرفت حموده------ الشاعر خالد الكردي
حوار بين الازواج
---------------
خالد الكردي
شوفتي العناد بيني وبينك
وصل حياتنا وروحنا فين
بقينا نتقابل صدقه
وبالميعاد احنا الاتنين
----------------------------
ميرفت حموده
اكيد ونتيجه طبيعيه
بغيره وشك وسوء نيه
لامره تكون فيها حنين
هدمت البيت بهمجيه
----------------------
خالد الكردي
بس اللي خلاني
ابعد بعيد عنك
هجرك وحرماني
وحقوق كتير عندك
------------------------
ميرفت حموده
كل همك اللي ليك
بص حبه ايه عليك
قيدت ايدي العشره شمع
كنت عايشه بيك وليك
---------------------------
خالدالكردي
كنتي عايشه عشانك انتي
بيقي دايما كل حاجه
وابقي انا بالسبه ليكي
عبد يخضع للعباده
---------------------------
ميرفت حموده
عمري ماكنت ف يوم غبية
ولا قولت يوم يلا نفسي
انت ليه ناكر القضية
انت عاوز تلغي عقلي
-----------------------
خالد الكردي
عقلك اللي مشيت وراه
عشت مسلوب الاراده
كل ماضعف انتي تقوي
وابقي انا مجرد اضافه
---------------------------
ميرفت حموده
لولا عقلي ماكان نجاحك
عشت ماده لك ايدية
كنت اداوي لك جراحك
وانت نازل جرح فية
------------------------------
خالد الكردي
لولا عقلك كان زمانا
لسه موجودين لبعض
انما جرحك وهجرك
حولونا بقينا ضد
---------------
ميرفت حموده
عمري يوم ماسمعت كلمه
تروي قلبي تكون دفايا
كل عشتك شكوي مني
تنسي ليه كل المزايا
-------------------------
خالد الكردي
كان زمان عندك مزايا
لما كنتي لي لوحدي
انما ماعرفش ليه
غيرك فجاه ياستي
-------------------------
ميرفت حموده
انت ليه دايما اناني
طبعي مااتغير ف يوم
الهموم ذادت علية
مش بالاقي الا لوم
--------------------
خالد الكردي
نفسي ارجع مره بيتي
القي هيفا ولانانسي
انما بارجع اشوفك
ليه كده بتسدي نفسي
-----------------------
ميرفت حموده
بص شوف نفسك كويس
قبل ماتعيب علية
هات لي واحده لية تخدم
ابقي احلي كمان شوية
------------------------------
خالد الكردي
عارفه ايه صعبان علية
ان اشوف مره الولاد
يبقوا بسببنا ضحية
والسبب هو العناد
----------------------
ميرفت حموده
كل ست وليها بيتها
هو كل مملكتها
بس محتاجه لكلمه
ترفع لها ف يوم قيمتها
-----------------------
خالد الكردي
تعالي يلا نتناقش كلام
بهدوء انا وانتي
عشان في الدنيا مين
بعدك هاقوله تاني ياحبيبتي
---------------------------
ميرفت حموده
خلاص اوعدني تكون عادل
تقدر كل مجهودي
تكون ضهري وسند لية
وتوفي وهاوفي بعهودي
----------------------------
خالد الكردي
اعاهدك اني هابقي لك
ف يوم شمسك ويوم ضلك
وحضني ليكي ده حماية
يصد لوطغي خصمك
------------------------------
ميرفت حموده
حياتي ليك ولولادك
وباتمني ييجي اليوم
تكون الدنيا حوالينا
بسعد وفرح لينا يدوم
------------------------
تعيشي لية بادعي يارب
يقدرني اكون سعدك
وتبقي لية وولادي
مفيش قبلك ولا بعدك
كلمات
الشاعره ميرفت حموده
الشاعر خالد الكردي
