جارى التحميل
استخدم زر ESC أو رجوع للعودة
بتبكى ليه يابطل !!
........................
بتبكى ليه يا بطل دمع الرجال غالى
بتبكى ليه ياحلم وعايش ف أحلامى
بتبكى على بحر البقر واللا على حالى
صوت المصانع اللى اتخرص واللا بُكاعيالى
بتبكى ليه يابطل شاهد عليك رَبِّى
لايوم عليك هان الوطن .. ولاكَلتْ يوم كَدِّى
اللى سرقنى يابطل باع مصنعى وسدِّى
.........
واللى خانك يابطل بسم السلام باعنى
واللى تاجر بالوطن بكَّى العيون دمعى
بتبكى ليه يا بطل دمع الرجال غالى!
ياحتَّه من لحم الوطن ياعايش ف أحلامى
برغم تزيف التاريخ .. انت الجبل عالى
ياحلم الغلابه يابطل .. ما هان عليك حالى
باعوا العروبه والإراده وقالوا دا شيء فانى
.....
باعوا الفقير يابطل باعوا كمان ذادي
باعوا الضمير يابطل للرايح وللغادي
انت العروبه يابطل ياعايش ف وجدانى
ياحلم كان نبضنا ياقلب كان حانى
امسح دموعك يابطل جوا العيون غالى
.................................
كلمات / الشاعر : أيمن صبري زنون أبوعماد . صنصفط . منوف . مصر.
