جارى التحميل
استخدم زر ESC أو رجوع للعودة
نعيق الرصاص
فى جو الفضا سابح
طالع بيصرخ للسما
غطى على نور الشمس
بيسابق ادان للصلا
مرفوع بامر ربه
والدم ع الاسفلت سايح
والارض رافضة تشربه
بحر مالوش مينا
مراكبه ماشية مقلوب
والدروب!!!!!
هس هس
والخوف عشش ف القلوب
ضلمة حوارى المدينة
خالية من كل زينة
متقفلة بيبان البيوت
مستخبى وراها همس
ناشفة عيدان الصغار
طرحت فروعها قش
محاصرة غيطانها النار
روت عطشها بدم
يا بلدنا يا حزينة
يا مهد كل علم
وقبلته فى كل زمان
هو من امتى التار؟
بيطفى لهيب النيران
بطرطشة دم بيترش
الشاعر عبد الله الهوارى قنا قوص جرا جوس
