جارى التحميل
استخدم زر ESC أو رجوع للعودة
* فـــــــــــاكــــــــر ك حــــــــــــــبيبتى *
عشق محبوبى زاد .. عايش فى نبض الروح قبل الفؤاد .. هواكى هو النور .. كتبه القدر ف سطور .. بيكى أنا مسحور .. يا كلمتى وصمتى * فاكر ياقدرى كل لحظه من لحظات لقانا .. فاكر كل حرف من همسات لغانا .. فاكرك لما بتلمسى فيا .. اِحساس بالشوق اِليكى روانى .. فاكرك يالى انتى لذاتى عنوان كيانى .. دى لحظة ما ببعد عنك : بينزف دمعى وآهاتى .. بينزف ليكى شوقى .. ياللى وطنى وصالك .. وبعدى عنك هو غربتى * فاكر لما بسمه منك .. اِزاى بتنور وجودى .. واِزاى لمستك فيضان حنان .. وعينيكى بر الأمان .. فى حروف اِسمك وبس .. كل أسئلتى وردودى .. فى نبضى شايلك أنا ..بقلبى حاسك وشايفك .. ساكن فى ضلوعى طيفك .. لونته بلون الهنا .. أناجيه : بيحضن حروفى .. ويقوللى : حبيبى لحظة وصالك .. هى دى جنتى * هوانا غزلنا شوقه ياعمرى .. من حروف المنى والحنين .. لا فى يوم لحظه افترقنا .. ولا قدرت تنسينا السنين .. صوتى كلامه حروفك .. أبعد مهما أبعد عنك : ألاقى دربك رايحه اِليه خطوتى * سر أسرارى اِنتى .. ومين غيرى يصونك .. لو تاهت نفسى منى .. بيكون دليلى عيونك .. ياأجمل صوره ف خيالى .. منايا أسكن جفونك .. ياللى ملكتى ذرات كيانى ومهجتى * فاكر ليالينا اللى تحيينا .. لما يجمعنا القمر .. ننسى أيامنا وماضينا .. ونشرب من ليل السهر .. ندوب أنين اِشتياقنا .. نقرب خطوات فراقنا .. فى البعد بمد اِيدى : ألقاها تحضن اِيديكى .. وحتى طيفك يعزف .. على أوتار فؤادى .. ألحان حنينى .. أضم شوقى لشوقك .. ونروح لأبعد مدى .. بين السحاب عشنا .. أحضانا بتضمنا .. كلمة بحبك نقولها : هى زاد عمرنا .. لو نبض قلبك محانى .. وبكل قسوه جفانى .. هواكى ده شريانى .. هو اِبتسامة زمانى .. ياملاكى لو أنسى وجودى : اِزاى راح أنسى هواكى ؟ .. وأنا نبضى هو نداكى .. ومين أفتكــــــــره ميــــــــن .. لو لحظه أنسى حبيبتى ؟
*(شعر/ اشرف حنفى على)* ***********************************************************
