دمعة حبيبتى بقلم محمد عبدالرحيم‏

‏محمد عبدالرحيم‏ أضاف صورة جديدة.

دمعة حبيبتى
..........
ولانعرفك ..
بعد النهاردة
وجراحنا منك
مش حتهدا..
ولايوم حنحلم
في حياتنا..
ولانحسبك
على اوقاتنا..
من دنيا واحدة
وسكة واحدة
..........
علمنا إحساس الأسى
من قسوتك..
مانحبكيش
خلانا ليلك
وإبتعادك عننا..
من نفسنا..
مانحسكيش
ماتصدقيش الدمع
في عينينا
امايحلف إنه ليكى
دا لو بكينا
اكيد بنبكى علينا
مابنبكيش عليكى
إحنا اللى
في وجودك
جراحنا ماتنتهيشى
حرقنا روحنا
ومتنا ياما
عشان تعيشى
...........
نحلم مانحلم..
نصحى نحيا بفكرتك
ولابنقابلش
فى كل دا..
من دا ودا
غير حظنا من غربتك
خلينا نبعد..
مهما حن الحلم
فينا لسكتك
خلينا نبعد
بينا منك..
مهما قربنا القدر..
حرام عليكى
تتوه قلوبنا بحلمها
فى ليلة قمر..
حرام معاكى
نشوف ربيعنا
بايعنا في دموع
المطر
دمعة حبيبتى
مش حسيبها
تروح هدر
ضحكة ولادى الضايعة
في عينيكى
ومدينتى
ومن سنينى
دمعة حبيبتى
وخوف حبيبتى
بيشترينى..
من نفسى منك..
م الأمانى
اما تنادينى
..........
يللى في كل مااطببك..
بتجرحينى
وكل مااوصل
سكتك.. بترجعينى
وبتحرمينى..
بتقسمينى..
بتهدمينى..
وتفرقينى.. وقت
قلبى ماكملك..
وإتحملك..
وانتى اللى مين
غيرى قدر يتحملك..
إنتى اللى شاهدة
وفاكرة
مهما الوقت عدى..
ولانعرفك
بعد النهاردة..
ولانعرفك
بعد النهاردة
..........
فعلا .. مش حعرفك بعد النهارده..وحياة حبي ليكى ماحعرفك.. بعد النهارده..وكفاية جراحى اللى كانت على ايديكى ..كفاية .. كفاية..كفاية
شاعر غنائى محمدعبدالرحيم