جارى التحميل
استخدم زر ESC أو رجوع للعودة
بـلــد الروتـيـن
يا روتين فاشل زى الطين
يا روتين هانروح منك فين
موظف يتحكم فينا
ويقولنا هىَ دى القوانين
ولما يغلط نصلح غلطه
ونشيل إحنا بردو الطين
وعشان حاجه ملهاش لزمه ـيدوخنا 7 دوخات
ونرجع نعيده من الأول
وكل موظف هات
وشوف مصلحتك ياسيد
أنتَ اللى محتاج
دوسيهات ماحطوطه فى شكاير
وباقـيتها على الرُف الفار منها شبعان
ونيجى نفتح باب رزق لعيالنا !
الحكومه تقاسمنا فيه
قبل حتى ما نبدأ فيه نجرى ونصرف عليه
على أوراق ملهاش لزمه ولازم تدفع يابيه
وفأى مصلحة حُكوميه كله بالجنيه
وكل موظف تسَلم عليه
يقولك هات
وأدفع رسوم السلام
ولو عاوز طلب أدفع ثمنه
وياريت تصوره كام صوره
عشان يتباع لغيرك
وكله على أفاك
حكومه شاطره فى لم الفلوس
ومفيش تقديم خدمات
وحاجه وحده اللى ناقصه
عشان بلدنا تكون الوحيده فى كل الحاجات
يركبوا للشقق والبيوت عددات
ويحسبوا سحبوا هواء أد إية
وكارته كمان ف الشوارع
وندفع رسوم عبور
عشان يلموا كل دقيقه فلوس
من الشعب المأهور
أااه يابلد الروتين أروح منك فين
وأنتى البلد الوحيد اللى بتعمل ضد شعبها
ومطلعه عين أهلها
وربنا يرحمنا بأه ماللى ماسكين حُكمها
