جرحنى و سابنى بقلم عزة احمد

جرحنى و سابنى
...................
جرحنى و سابنى
و اختفى و هجرنى
سكت و بسكاته ظلمنى
اهملنى و تعبنى
و انا محتاجاه يسندنى
سكت ولا فكر يسأل عنى
ولا فكر يشرح لى و يكلمنى
سكت و خلاص
و كأنه ولا يعرفنى
مع انه عارف جرحى
و عارف سبب تعبى
لا قاللى مالك
ولا فكر يصبّرنى
و انا اتحمل الظلم
من كل الناس
الا انت يا سيد الناس
اهمالك زوّد المى
و بعدك حطّمنى
و عزة نفسى قاتلانى
مش عايزه تتنازل و ترحمنى
و انا روحى فيك يا ظالمنى
بس النفس عزيزه
و انا كرامتى عنيده
عمر الحب ما كان
كلمه و تنهيده
الحب حياة كامله
و ثقتى فيك
تبقى عاميه
حتى و انا بعيده
............
عزة احمد