الشاعر محمد البلاط
سبنى فى حالى
انا من قلبى سلام وسماح
ابعد عنى انا عايزه ارتاح
بعد الهجر وغدرك بيا
بعد عذاب وضنى وقاسيه
جاى دلوقتى تقول صلحينى
جاى تقولى خلاص و سماح
جاى تعيد الماضى ده تانى
بعد ما قلبى منه ارتاح
انا للحب خلاص اه نسيته
كافى عليا هموم وجراح
حتى الجرح فى قلبى داريته
ابعد عنى عايزه ارتاح
جاى تعيد الظلم ده تانى
ولا تعيدلى زمن سفاح
انا مش ناقصه اعيده وازيده
كافى عليا هموم وجراح
جاى تقولى ان انا ندمان
جاى بتشكى من الايام
يالى ظلمت قلبى فى حبك
مش راح اقولك غير اه سلام
قلبى قفلته ماانت جرحته
شرب المر اشكال والوان
تعمل ايه علشان تراضيه
شهد وسكر ما يكفيه
صفحه و بيضه كتبت عليه
ايام سوده وطول لياليه
ابعد عنى الله يخليك
سبنى اطبب اعالج فيه
انا مش ناقصه اعيده وازيده
كافى عليا هموم وجراح
وانا من قلبى سلام وسماح
سبنى فى حالى عايزه ارتاح
بقلم محمد البلاط
