جارى التحميل
استخدم زر ESC أو رجوع للعودة
ماما{للأطفال}----نشيد الدكتورصبرى إسماعيل
*****
ماما ياأمّى ياماماتى-----يا سرّ نفسى وحياتى
ياأغلى كلمة بارددّها-----فى كل عُمرى وأوقاتى
ماما ياأمّى ياماماتى
سهرانة لاجل تدفّينا-وبأغلى حضن بتاخدينا
وشراع مِضلل ع المينا --يا كلّ همسى ودقاتى
ماما ياأمّى ياماماتى
بتِفرحى لمّا بنفرح-----وتِحزنى لو شئ يجرح
وشجرة بِتفرّع تطرح—--ونجم ساطع بحياتى
ماما ياأمّى ياماماتى
إيدك ياماما تقوّينى---ربّى عليكى موصّينى
ياهدية من جدّى ودينى-وحبيبتى إنتى وبركاتى
ماما ياأمّى ياماماتى
