بقلمى.. هانى حُزين (( عايز أتجوز بنتك بدور... ))

عايز أتجوز بنتك بدور...
ياريت توافق يا عم سرور...
محسوبك شغال مستوظف...
بمصلحة الكهربا والنور...
عندى شقه خمس مطارح...
بعطفة حسين مدكور...
جاهز أنا من مجاميعه...
مهر وشبكة وحتى الزهور...
وطلبات بنتك أوامر...
بس تشاور وتقوول...
أنا جايلك ع السمعه...
وحكاوى جارك عبد الصبور...
لا ليا ف الكيف ولا الحرام...
وبينى وبين القهوة سور...
كلمتى سيف ع رقبتى..
لا أنا أبن ماما ...
ولا أبويا طرطور..
نفسي أتهنى...
وأدخل دنيا...
قبل م أفلسع منها...
وأغورررر ...
بقلمى..
هانى حُزين