نسيم البحر خلانى
اعيد حساباتى من تانى
وشاف دمعى من الاحزان
وبصرح اه ه ه ه ه
حكيت لة كتير عن حالى
بكا عليا وحزنة ملاة
وعن احزانى طوالى
وعن شوقى اللى عاش فيا
وسهر دمعى ف عنيا
قالى قربى شوية
وموجة الدافى وشوشنى
وقالى المسى الميا
تحسى حنان وحنية
وجوة جوفى جنية
دى للجروح مداوية
صرخ البحر كام صرخة
قالة يا موج بلاش لئة
دى مش حابة دى مش عاشقة
وسبها لية اداويها
واغسل الدمع ف عينيها
حكالى البحر عن قصة
حبيبة عايشةف الاوهام
كانت عاشقة هوا المحبوب
كانت تسهر ولا بتنام
على الشط ساعات وساعات
ودمع العين بيحكى اهات
غدر بيها وسابها سنين
تعانى مرارة العاشقين
امرت الموج يحدفها
لشط بعيد وفية افراح
طمع فيها وخدها هناك
لاعماقى ف دنيا براح
وراحت مع طيات النسيان
ولا عدشى هناك احزان
وادى حكاية لعاشق تاه
ف دنيا الحب والاشواق
كان كل يوم يبكى
كفاية عذاب كفاية فراق
عاهد حبيبة ع الاخلاص
وسافر علشان يكون ليها
غاب سنين وسنين كمان
وعاد والدبلة ف ايديها
بيسالها عن الاحساس
لقاها الغل ماليها
رجع والدمع ف عيونة
ووسانى ووسيتة
ولما اشد ت احزانة
انا ف اعماقى خبيتة
وانا خايف على مصيرك
لتكونى ف مصير غيرك
يلا اتردى الشيطان
وعودى بسرعة لتفكيرك
ويلا انفضى الاحزان
وروحى اقرئى القران
ويلا قومى قولى وداع
يا بحر ميتك اوجاع
يلا اهربى منى
ولا تستغنى يوم عنى
انا ملجا لكل حبيب
ومدفن للى عقلة يغيب
وقرر يهجر الاصحاب
وعاش للحب والاحباب
بقلم /ميادة محمد عبد العزيز
