بقلم الشاعر ... بشار إسماعيل " لا تنْثُر غَرامَك على قلب مجروح "

لا تنْثُر غَرامَك على قلب مجروح
افتح قَلبَك واسأله قبل ما تبوح
العشق بالقلب مِشْ بِالعين
وين ما وَدّيتها تنْثُر وتروح
العشق أكبر مِن نَظْرة 
يا عاشِق وطَموح
ما ظَنّيتك عاشق يا سَبع الفَلا
عامِل عَنتر تتْمايَل وتسوح
تعَلّم العِشْق مِن أبونوّاس وبشار
وارجَع أسَمّعْلَك ...
الحرف الأوّل أوْ بِتروح
يا إبني ...
العشق مِشْ صَفحة تِقلِبها 
العِشْق مُعجم ...
يَحفَظه القَلب ويَشْفي الجروح 
نِيّال أمَك فيك 
دَلّلَتَك وكِبرْت ...
وأنت بَعدَك طِفل 
تجهَل العشْق السَموح
قَلب أمّك بِإيدَك 
وَقت ما بِدّك تدْخُلُه وتنوح
قلب المَعشوق ...
مِشْ بعَدّ الثّواني 
وَقت ما بِدّك تدْخلُه يا بَحبوح
_________________________
بقلم الشاعر ... بشار إسماعيل