الشاعر / شعبان مكى " معطلكش "

معطلكش

نفسى أحبك
لكن معرفش
مش قادرة أخدعك
مقدرش
حاولت منك كتير أنى أقرب
و أدى فرصة لقلبى يجرب
و ف أخره لحظة بلاقى 
نفسى بهرب
خلاص لا خلاص
مفيش إخلاص
أنا مش قادرة
أحب تانى ليه معرفش
سامحنى حقيقى
لو كنت حبيبى
هتفهمنى بجد متزعلش
أنا خلاص خدت نصيبى
هظلمك لو بقيت حبيبى
هقدر أحب تانى مفتكرش
خايفة أسيبك و مكملش
ياريت كمان متسألش
اللى حصل لى بقى ماضى
و قلبى خلاص بقى راضى
الإحساس جوايا إتجمد
و عقلى مع قلبى بيعند
يقول له إوعى متحاولش
عارفة إنها مش نهاية العالم
بس إنى إحب تانى ياعالم
صدقنى دلوقت مفتكرش
............................... ف 23 / 12 / 2014 
من صفحة الشاعر / شعبان مكى شاعر عامية