جارى التحميل
استخدم زر ESC أو رجوع للعودة
هنا وطـنــى
حديد القيد
تعب من صبر أيامى
خيالى بعيد
بيحلم يوم ويحضننى
وبيقرب
أنا بابعد
وقيدى خانق الأحلام
لا حلمى ف ضهرى يلحقنى
ولا جه مرة قدامى
وسجانى
واقف يتشفى فى قيودى
وخانق صورتى فى البرواز
وساجن دمى فى وريدى
يا حلم إزاز
بيتكسر على المشاوير
انا ابن غفير
وحلمى بس حرية
لا يوم باحلم بقصر وجاه
ولا جنية وحورية
دة حلمى رغيف
وعيشة أعيشها بالراحة
ومن غير غش أو تزييف
تكون أيامى مرتاحة
وصبرى يثور على قيودى
واكسر سجن شريانى
وافك الأسر فى وريدى
وأرفع راسى وسط الخلق
واقول أرضى
هنا وطنى
هنا حدودى
بـقـلم ا لــشـا عـر
أ بـو عــمـا ر ا لـمصــر ى
