حسن المصري " (مشتاق انا للروح) "

(مشتاق انا للروح)

مشتاق انا للروح
للبوح
الديك بيدن بصوت مبحوح
واقف انا قدام مرايتى والقلب معبى بالجروح
...................................
ابص من خرم الحياة على طفولتى
الريح هابة من بعيد
بتطوح من عل الجدار القديم صورتى
وابقى واقف لوحدى متكتف انا وعقلى
..............................................
يمشى حافى على خيط مرسوم فوق مرايتى
الاقى من تانى صورتى
وشى ماشى مع جسمى
وبقيت ابص كل عشبة على صورنى
القيها تتكلم بلون سمارى ووشى القمحى
....................................................
البس انا ف ليلة شتايا همى مدارى ف جلدى
اتبخنق بمنديلى المحلاوى وادارى شكلى
السما تمطر دمعتى وحزنى
رجليا محشورة جوة صندل بلاستك
ادوس ف المطرة اسمع صوتة بيطقطق ويتقطع
...............................................
اهرب ف خلوة اتحدت انا وعقلى
اسحب من درجى القديم قلمى
عايز اروح بلدى
اركب حمارة صاحبى
وبقيت اضحك واقول النكتة انا وعقلى
السكة لسة طويلة والحمارة تعبت
عطرت ف بورة
صبحت من كتر الشقى عرجة
وانا وعقلى لسانا ف الضحكة