كلماتي : اشجان سليمان " ... ليه القناع ... "

... ليه القناع ...
كلماتي : اشجان سليمان 
============ 
ما تعودتش أكون انسان
واناني 

ماتعودتش أمد إيديا 
غير بالخير وحناني 
-----------------------
لا عمري كسرت بخاطر حد 
وكل كلامي بصدق النية 
فِعلي بجد
--------------------
ما تعودتش 
أكون انّا قاضي ولا سجان
ماتعودتش
أكون انا خاين ولا جبان 
--------------------------
ودايما دايما ايد فيها وردة 
اعيش بحب
.. وقلبي أمان 
----------------------
عمري ابدا ما اعرف اكره
با زرع أمل واحصده بكرة 
بكل حنان 
---------------------
ما اتعودتش أكون انسان 
واناني
----------------------
ما تعودتش
ألبس وش
ولا اتنكر وابقي ملاك
ولا اضحك لك ضحكة بغش
---------------------------------
احلم وأحلم أصل الحلم
يهز كياني 
عشت وعمري كله اماني 
ورد وفرح .. سرور واغاني 
وباندمش 
-------------------
تيجي الدنيا معايا وتبعد 
ما بفكرش
دا المكتوب فـ اللوحة يا صاحبي 
نافذ نافذ .. ومانعرفش 
-----------------------------
ما تعودتش وليه اتعود 
قدرى وقدرك فيه مكتوب
ولا بنخترش
-----------------------
ما تعودتش ..و ما بندمش