بقلم اسماعيل ذكى " بحلم ومن حقى "

بحلم ومن حقى

حلم دايما بيراودنى 
بيشدنى ولبعيد ياخدنى
ويردنى ولامرة فادنى
بحلم ومن حقى
اهدم جدار شقى
واخرج من الضلمة
واختار وانقى
مااسمحش اكون نملة
ماسمعش صوت دقى
بحلم اكون انسان
بحلم يكون لى كيان
بحلم ومن حقى
راضى اكون غلبان
لكن نعيش فى امان
نتلم زى زمان
شبعان يعشى جعان
حقك على حقى
والباقى متبقى
زندك قصاد ذندى
عندك ومن عندى
نتلاقى ونعدى
وبكرة هييجى يوم
نفرش فيه الهموم
ما عمر حال يدوم
وكله عوم فى عوم
ع البر هنهدى
بحلم ومن حقى
بقلم اسماعيل ذكى
موثقة