بقلم /عصام دويدار .....الحكم صدر.....

عصام دويدار

.....الحكم صدر.....
يعني إفترقنا خلاص 
وإنتهى كل اللي بينا
يعني إنتهى الاخلاص 
وكلامنا أول ما إتقابلنا
..................
ماتت الضحكه في عنينا
وضحكت الايام علينا
وإتغيرت كل الظروف
ورجعت الدمعه الحزينه
..................
أصعب لحظه تعدي
لحظة فراق حبيبين
ديما لما تعدي
تكوي بنار الاتنين
.................
وتقفلت كل البيبان
والحكم صدر
مبقتشي فارقه مين اللي خان
دا فرقنا قدر
................
يعني إفترقنا مهما كان
والحب كان محكوم عليه
إنه يموت قبل الاوان
ويبقى منه شوقنا ليه
................
يخساره علي غدر الزمان
ويخساره علي القسوه اللي فيه
يجمع الحب في مكان
وهو حاكم بالفراق
والحكم كان صادر عليه
.........الحكم صدر.....
بقلم /عصام دويدار