اااااااه يابهيه ( غنائيه )
ااااااااااه يا بهيه اه يا بهيه
على اللى جرالك وحاصل ليا
ااااه يا بهيه
حالى من حالك
واللى جرالك
لا فى البال ولا كان على النيه
ااااه يابهيه
كنتى الرمز الغالى العالى
وكنتى التاج على الراس طوالى
حتى حنانك كان فى حنانى
ااااه يابهيه
بنزرع ورد فى ارض وبور
وفى الظلمه بنشعل نور
كان الرد علينا يثور
ااااااااااه يا بهيه اه يا بهيه
انتى صحيح بالفعل الام
تلم ولادها وما بتهتم
مين فرحا ومين جرحها
ومين لبسها اه ثوب الغم
ااااه يا بهيه
كنتى ان غاب حد من ولادك
قلبك ينبض فيه احساسك
وتشيلى هم الكل فى راسك
اااااااااه يابهيه
اللى جرالك وغير حالك
لا فى البال ولا كان على النيه
اااه يا بهيه
قطعوا ثوبك غيروا لونك
جاروا عليكى وجاروا عليا
ااااه يا بهيه
تاج العزه راح فى قضيه
مين هيكون راجل فى البيت
ومين هيكون من ضمن راعيه
اااااه يابهيه
زرعوا الحزن فى عينك مايه
ااااه يابهيه
حالى من حالك واللى جرالك
لا على بال ولا كان فى النيه
اااااااااه يا بهيه اه يا بهيه
بقلم محمد البلاط
