حســن الشــوان " لغـــــة الخــــــرس "

..... . .... لغـــــة الخــــــرس ..... ........

عشان الحقيــقه دايما مره
ودمها تقيل
مش عايزنها تتقال ولا مره
وتعيش ذليل
عايز أتعلم لغـــة الخرس
عايز أتكلم من غير حس
قلبي تعب من الكلام
عيوني خصمت الرمـش
رغي وحـبر وكذب
مانشتات ما بتتحققش
ندوات كلـــها نصب
وكاميرات بتصور الهتش
أبتسمــــــات ولعب
وبروباجنده بكل وش
تلهي كمان الشعب
وأقنعة بتتلون بالغش
ذهقنا من الكــــلام والطبل
حتي أمالهم بقت قش
الأجيال بيهرب منها الأمل
و مستقبل ما يتعوضش
أتسرب جواهم المــــلل
ونسيوا نور الشمس
حرام شباب يهجر البلد
حرام ميبقاش فيه عدل
والصرمحه للي اتــولد
وفي بقة معلقة دهب
ياخد حق اللي إجتهد
واللي سهر وتعب
إنذار شديد المعني
للي في إيده الزمام
اعرف ايه بيوجعنا
وانزل لينا وأسمعنا
واسمع كمان انينا
وفكر في اللي كان
و الندم مش ح ينفعك
بس أكيد ح ينفعنا
والدنيا ملهــاش آمان 
وفي الأخرة الميزان
..... .. حســن الشــوان .. .... موثقة ..