بقلــــــم: عـــــادل الشــــهــابى " جواز بدون حب "

جواز بدون حب 

قالوا لو ماتجوزتش على حب 
تكون أخدت حبيبة غيرك ....
وقالوا كمان وقتها عمرك 
ما تشوف الراحه فى بيتك ...
وكمان مش هتتمتع بحياتك ...
هتكون معاك بجسمها ...
ومع حبيبها بروحها وقلبها ..
تعرف يعنى إيه تتجوز إنسانه ما بتحبهاش ..
والكلمه منها كمان ما طيقهاش ...
ووقتها تتمنى كل شىء يروح منك ببلاش ..
والكلام ده للطرفين ..
اللى بيتجوز بدون حب وبعدها تبكى العين ..
الحب للزواج الناجح هو الاساس ...
دى تجربه عاشها كتير من الناس ...
هتكون عايشه معاك وفكرها شريد ...
وهتفكر فى الحبيب البعيد ...
أجسامكم مع بعض لكن أرواحكم غريبه ..
وكل روح هايمه مع الحبيب والحبيبه ...
خلوا الاساس فى الجواز الحب ...
علشان يعيش كل واحد منكم مرتاح القلب ..
وحياتكم تكون خاليه من أى مطب ...
لأن بدون حب العيشه هتكون صعب ..
بقلــــــم: عـــــادل الشــــهــابى