( تحيــاتى واحتراماتـــى لحضراتكم )
ABDALLAH ___ ALHEGAZE
(( سألتنى ماما هو بابا بيعمل إيه )))
///////////////////////////////////////////////////////////////////////////
سألتنى ماما هو بابا بيعمــــل إيه -----
شاورلى بابا وقالى هُس مش عارفه ليه
واخد التيليفون وعمال بيهمس لوحــده فيه -----
قُلت استخبى خلف الستاره واشوف فى إيه
سمعت بابا بيقول كلام يالهـوى عليه -----
فجأة لقيته بيقول حياتى شككنى فيه
كتمت نَفَسى لو سمعه بابا هيعـرفنى بيه -----
فكرت حبة فى امر بابا وخوفى عليه
لو ماما سمعت إللى سمعته هتضحـى بيه -----
العيد خلاص باقى يومين وهنضحى فيه
احسن ما ماما تلغى الضحيه وتضحــى بيه -----
يا بابا اهدا دى برضوا ماما بتنسى ليه
فجأة لقيت دموع عينيه بتبكــــى عليه -----
لمست الستارة امسح دموعى وقعت عليه
اتخض بابا من الستاره أُغمــــى عليه -----
فضلت اكبر فى ودن بابا واطبطب عليه
صحصحت بابا فاكــرنى ماما وقعت عليه -----
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
تحيـاتى // الشاعر // ( عبدالله الحجـازى )
