مروان النجار في رائعته " تعالى شوف تعالى يا زمان "

تعالى شوف تعالى يا زمان

انا الشاعر انا الفنان
انا الصابر انا اﻻنسان
انا وحدي انا غلبان
انا العاشق انا الولهان
مش ﻻقي كلمه يا دنيا اوصفك
مش ﻻقي لون الونك
دي الناس بقت الوان
اللوحه موشوحه
والعفه مشروخه
والعدل في برج عالي من زمان
لعبه ملعوبه
مﻻمحها مكشوفه
وقلوب الناس سوده
مليانه ديدان
مين فينا مالك امره
مين فينا ماشي بخطره
مين فينا راضي 
مين فينا بيقول ﻻ
أنا إنسان
إدينا يا زمان إدينا
نستاهل كمان وكمان
لو نار يولعوا فينا
لو حرقوا القمح وسرقوا المينا
كلمة حلوه بتراضينا
وخوفنا دايما بينسينا
حق الشهدا في الميدان
إصحى يا نايم
أم الدنيا
كل مالينا
ليه الخوف اصرخ
قول انا انسان
مروان النجار 18/12/2014