محمد عبدالرحيم أضاف صورة جديدة.
ترنيمة من خلف البيبان
..........
مدى ملامحك
تحضنك..
تحت الليالي عيوني
خليني اشوفك
من حرايق
ضي عيني
خايف آجيلك باكي
وإنتي مودعاني..
ولا افارقك
برضه من غير
ماتشوفيني
تقاطيعك المحزونة
جد مخوفاني..
سقياني نيل الهم
لمايفيض
لقياني مهما الريح
تاخدني بعيد..
وامافي دموعي
بتنطلق زغاريد
..........
يانظرتين إتعانقوا
بعد الشوف رحيل
آدي زمان الموت
بلاسابق معاد..
ومافيش بديل
واخديني فين
وراسمينلي الميلاد..
دا انا عمري
ماحلمت إني افارقك
لابجسد او روح
وياهلتري..
حسكن في قلبك
دقتين..
ولافي وريدك حتؤد
دامافيش جريح
بيموت وتاني بيتولد
ولافيش في قلبك
غيري حبك ولامال
...........
بحضن بيوتك
والشوارع والسكك..
رصفانك المزحومة
بالأطفال
إللي في عيونك أمرا
أو مماليك
فدادينك المروية
من دمي
منديل بصورتك..
باقي من أمي
والصورة راجعة
بخطوتي للخلف
من الف واكتر..
واحنا متقابلين
من حلم اكبر
من سنين جايين
..........
يادي المداين..
دوبتني حنين
راسية السفاين..
والمراسي عينين
ودوني ليكي
لضحكتك بالذات..
ادخل عليكي..
مااشوفش غير دمعك
تلاقيني حلم
معدي ليل
ورا ليل
والاقيكي إحساس
الكلام والهمس
..........
كل العذاري حياري
في الشبابيك
مستنيني في كل
طلعة شمس
وانا ليكي وحدك..
وعد مانسيتهوش
وامير في حلمك
كنت او مملوك
عشقك مشيلك..
حافي فوق الشوك
..........
خديني في حضنك ياامي..دا انتي غيبتي علية قوي..حفضل لحد إمتي جنبك ومحروم منك..وإزاي ياحبيبتي اكون بحبك وتهمليني..واتوه منك في دروب الأحلام..ولا لاقي وطن ولا حبيبة..ولا حضن حنين يضمني..كل حاجة بتروح مني..كل شيئ جميل بيموت..حتي الشباب ..يدق ابواب الرحيل ..وانا وحدي..اسير في هذا الدرب العسير..لاصديق ولارفيق..ولا اي شيئ يشعرني بأني..مازلت احيا..امي..اموت بين احضانك اكثر مما اموت وانا بعيد عنك..فدعيني ياامي الآن..الآن فقط..اودعك
محمدعبدالرحيم
