كتاب الحب
============ بقلم عونى هشام
كل كتاب الحب عرفته
قريته معاك حرف بحرف
عشت انا فيه وانت حفظته
وعينك غمزت ليا بطرف
---------------------------
شفت حنانك اه ولمسته
وشوقك ليا زياده وعطف
حرف بحرف بايدى كتبته
لا فيه تعقيد نحو ولا صرف
-----------------------------
كتبتك حب وفيه اشواق
رسمتنى ورده بدون اشواك
لقيتنى بدوب مع كل اوراقه
وحسيت نفسى اليك مشتاق
---------------------------------
شوقى لشوقك كله عناق
احن لحضنك دوم واشتاق
خدنى معاك دوقنى حنانك
ما احنا يا روحى بقينا عشاق
--------------------------------
عشقت هواك والعشق جميل
كله صراحة بدون تمثيل
اسمع منك تسمع منى
واسهر جنبك طول الليل
---------------------------
اشم انفاسك تشفى عليل
وابتساماتك فيها مواويل
يمر الوقت معاك ويعدى
احسه ثوانى وهو طويل
--------------------------
اه يا حبيبى خلاص حبيت
تعالى فى حضنى اوام انا جيت
شوقى كبير مع حب ولهفه
سكنت فى قلبى عليك خبيت
--------------------------------
خبيت عنك كل حنانى
وانت بعيد اسهر واعانى
لما ضنانى الشوق وآسيت
كتبت بشوقى الحان واغانى
----------------------------------
ولسه كتاب الحب فى ايدى
انت حياتى ومعاك عيدى
اياك تنسى انى حفظتك
وانت الدم فى كل وريدى
-----------------------------
اه يا حبيبى يا روح الروح
حبك شال من قلبى جروح
خليك جنبى حقيقى بحبك
خدنى معاك مطرح ما تروح
بحبك
----------------------------------
\\\ عونى هشام \\\
