.......... الحـــب نعمــــة ..........
تلجت من كتر برودة كلامك
يا سيدي ابعد وخد هيامك
وهو انا ناقص كمان عتابك
علي ايه أنشــغل بغرامك
او أجـــمع سنيني بأيامك
الحب للي يحب ويغـــير عليه
والشوق يملاه ويشــتاق إليه
ويحس بكلامه ويفهم معانيه
والحبيب دايما يشتاق لحبيبه
وأول ما يشوفه يحس بيه
الحب نعمه من حـــرفين
كلمة حب جمعت قلبين
ليها رنه و بسحر لسانها
تشغل عـــيون الحبيبين
وتزهر الورود قبل اوانها
بلسم يشفي كل عليل
وتلقا الطيور علي أغصانها
تملا الدنيا عطر جميل
وتلقاها حتي في فستانها
تسحر معاها نجوم الليل
الحب دنيا غير الدنيا
فيه كل شيء أصيل
كله معاني الأنسانيه
وإحساس رايق نبيل
................................. حســـن الشـــوان ......موثقة.......
