ا لــشــا عــر أ بـو عــمـا ر ا لــمــصــر ى " مــــدَ د "

مــــدَ د

معنى كلمة ثورة إيه ؟
هى ثورة يعنى ثورة ؟
ولا أنثى ( الطور ) يا بيه ؟
ثورة سودا ولا حمرا ؟؟
ولا لابيض منها ضاع ؟
ولا ثورة الظلم يحكم ؟
والبراءة بلون خداع ؟
ولا حمـَّى وسـاريـة فينا ؟
كل أمراض اللى فات 
عشـِّشـِت
وبـَقـِت صـُــداع 
ثورة كانت حـِلــم فـَضـّـى 
ركـّبـت كـواـبــيس عـلـيـنــا
دم اخويا ودم ميـنــا 
سال وبينقـَّط نـُقــَط
نقطة سالت ع الرصيف
نقطة تانية نازفة دايماً 
ع الرغيف
لمـّا قلب الثورة جوانا 
اتــَنــقــَـط
نـُقـطـَـة واقـفــة فى الـمـيــدان 
مـِتـجـَـلـّطة
نقطة لسـَّة فى الأمل 
متشـَعبـَطـة
نقطة صاحية
جوة قبر اربع حيطان 
بتنادى لسة بالخلاص
سـَجـَّـان بِـيـقـتـِل فى الوريد
بيدوس على كل العيدان 
بيطـفـَى شـُعـلـة 
م الحماس ما بينطفيش
والثورة كالمـُرجيحة فى احضان الهوا
تـِطـلــع لـفـــوق ... 
نـِفـرح أوى 
تنزل هناك تحت الـحـِــزام
ماسـِك اللجام 
جبار قوى
( والطور ) بـيــصـــرُخ 
ليـَّا ( طورة ) بحبها 
شغل السياسة والنجاسة 
لا هـمـّنى ولا هـمـَّهـا 
والطورة فى بلدنا يقولوا عليها 
دايماً أربعة 
نـَسـَخ الزمان كل الحكاية 
م البداية للنهاية
لكن تفاصيل الحكاية اتبعزقـِت
حتى الـجـِتــت ..إتـفـَرّقـِت
وصور كتيرة زيـّفــوهـا فى الـطـِباعـة
ودوا الحكاية مـُـزيـَّفـــة 
ع المطبعة
والطورة فى بـَلــدنــا 
بـَقـِت حـِـكـــاية مـــؤسـفــة
اللى يشاور بس بيها 
أو يقول بالأربعة
إحنا الأساس
إحنا البلد
ثورتنا لسـَّاها بتـِحـلــِف بالمدد
جاى المدد 
مش مـُــعـجـِــزة
لأ جاى
بإ يـدك يا بـلـــد
بـقـلـــم ا لــشــــــــا عـــــر 
أ بــــو عــــمــــــــا ر ا لـــمــــصــــــــــر ى