مياده عبدالعزيز" مشيت وانا مجروح. "

مشيت وانا مجروح..

من الدنيا حوليا ..
لقيتني وسط القبور..
..واخداني رجليا..
عشان ازور امي..
واقرا لها القراءن..
هي وابويا الشهيد..
وادع لهم بالغفران.
وقفت وسط القبور ..
..انده وقول ياامه....
فين القلب الحنون...
واللمسه والضمه..
فين ايام زمان ..
والعيله واللمه..
فتحت باب قبرها..
على امل اني القاها..
وتخدني في حضنها..
واقعد انا معها..
تمسح دموع عيني ..
وتقولي ياضنايا..
اجري ابوس ايدها..
وحشاني ياامايا..
ملقتش غير تراب..
اشلاء هنا وهناك..
..بكيت على حالى.
وعلى فراق يومه
سمعت صوتها الحنون..
...بتقولي ياولدي....
بلاش بكي ياحبيبي..
انا عايشه ف الجنه..
كافئني يوم ربنا..
...باكتر مابتمني..
عشان ربيت ياتيم...
وعشت ليك وحدك..
وخرجت من دنيتي..
طاهره بقلب سليم...
وقابلت رب كريم..
كان هو بيا رحيم...
..وابوك انا وياه...
عايشين ف احلي حياه..
حبيبي في دنيتي ...
وف اخرتي وياه.
بدعيلك يابني بالهدي..
والرحمه من ربك..
ياضانايا ياحبيبي..
دا انا ساكنه ف قلبك..
خليني ذكري جميله..
واوعي ف يوم تنسي..
الدنيا دار باطل..
ودي حكمه من ربك..
اوعي ف يوم تسرقك..
وتكون ف يوم همك..
يكفيك شر السوء..
ودي دعوا من امك..
بكيت اوي بشده..
وقولت اه يا يومه..
مشيت وانا فرحان..
اسبح واذكر الرحمن..
ونويت اصلي واصوم..
واقرا كمان قراءن..
وادعي واقول ياكريم..
اوعدني بالجنه..
واعيش مع احبابي..
ودا كل ما اتمني..
ليه يابن ادام ...
تقابل الرحمه بالعصيان..
وتعصي يوم ربنا ..
ويبات عليك غضبان...
وتشتري جنهم ...
وتبيع بيها الجنه .....
 
..... ..بقلم..... \... ...مياده عبدالعزيز