{عيله ثوريه جدا جدا} قصه واقعيه للرائع الاستاذ حسن الجيار

قصة واقعية لحسن الجيار
( عيللللللللللللللللللللللللللللللللللللة ثورية جدا جدا)
بابا إحنا مش هنزور عمو محمد فى أجازة نصف السنة سألتنى ابنتى ونحن على الغداء فحركت رأسى يمنة وبسرة دون أن أنبس ببنت شفة ..كانت حركتى توحى لها بأنى غير موافق فسألت أمها ..ليه يا ماما ..انا عاوزة أشوف ولادعمى وحشونى ..قاطعتها زوجتى وقالت/ يا حبيبتى أصلهم إخوان .يعنى إرهابين يا ماما ..طبعا كانت ابنتى ابنة ال9 سنوات تعرف أننا نؤيد السيسى ظهرا عن قلب وليلا ونهار الانشاهد الا قناة المحور أو السى بى سى أو التحرير فصرخت وقالت / عندك حق يا ماما يبقى يلاش نزورهم دول بيكرهوا الجيش وعاوزين يخربوا البلد..صرخت أختها الصغرى ابنةال5 سنوات وأدلت هى الاخرى بدلوها / يعنى يابابا مانكلمهمش تانى .يا بابا دا حتى المس أمانى إخوانية وعاوزة مرحشى عندها درس تانى ..فى الشغل خسرت تقريبا نصف زملائى بسبب الخناق والحوارات التى تحتدم بين الحين والاخر وأصبحت لغة التهديد والوعيد بيننا على أوجها ،لدرجة أن التوجس والريبة أصبحا يسكنان فى المكان كأفعى رقطاء متحفزة .الحوائط.فى الشوارع تتصدرها صور لمرسى ونعته بالخائن العميل وعلى الجانب الاخر صور السيسى الزعيم القائد الملهم ..وأتذكر أن جرافتى الثورة وصور الثوار مسحت أو غطاها صور نعم لدستور ثورة30يونيو وباطل دستور الاخوان ..وعندما ذهبت للحلاق أخر النهار وجدت صورة السيسى متصدرة المراة المقابلة لى لكنها ممزقة ومشوهة فسألته متعجبا: أنت معلق صورة الزعيم وأنت تأيد الاخوان : قال لى مرتيكا/ والله يا أستاذى: لا انا بأيد ولا حاجة بس اللى عنده رأى دلوقتى مخالف يبقى إخوان..وممكن يبلغوا عنه حتى أن أحد الزبائن قال لى ذات مرة انت أكيد إخوانى..فسألته ليه إتهمتنى التهمة دى ف،رد وقال/أنا بشوفك بتروح المسجد بإنتظام ..قلتله لكن أنا طول عمرى بينكم وعمرى ما أنضميت ليهم ولا حبيتهم ،وجعلنى محاميا أدافع أمامه عن نفسى كمتهم أو مذنب ، فأثرت السلامة وقلت فى نفسى حتى لو مش مقتنع.. فيها ايه لما أشترى صورة السيسى وأعلقها وفعلا إشتريتها وعلقتها على ياب المحل بالخارج لكن العيال الصغايرين قطعقوها وبهدلوها ..فقلت ما بدهاش وخدتها ولزقتها وقلت أفضل مكان ليها أمان جو المحل فى وش كل الزياين ..إحنا مش ناقصين نروح ورا الشمس وأنا عائد الى البيت وجدت فرح شعبى وتهادى لأذنى صوت ا(لدى جى )تتلوى عليه الراقصة على أنغام أغنيه تسلم الايادى فلم اتمالك نفسى من الضحك عندما وجدت المخمورين فى الفرح حول الموائد يتعاطون الحشيش والبيرة يتمايلون طربا .. فى البيت عندما وصلت سألتنى ابنتى إنت يا بابا هتخاصم عمو محمد على طول ..فأصابتنى هيسترية ضحك وقلت :لا يابنتى ..مستحيل دا خويا وهنزوره أكيد إن شاء الله فى نصف السنة. تمت
‫#‏حسنالجيار‬