عونى هشام " بصراحة "

..... بصراحة
============== بقلم عونى هشام
انت معايا بكل صراحة
عايشة معاك بحنان مرتاحة
وانت فى قربى بتوه عينى 
اعطيك بلحة واقول تفاحة
------------------- 
اصلى بحبك حب جنون
وانت بطبعك طبع حنون
لما بشوفك بيتوه فكرى
اعطيك بصله واقول دا لمون
------------------- 
انت كلامك ملهوش حس
لما تنادى اسمع هس
وانت بتاكل افضل جنبك
اجيب لك فجل واقولك خس
------------------- 
فاكر لما كنا زمان
حب وعشق بدون حرمان
كنت تقولى تعالى يا مانجة
اجرى واجيب حبة رمان
------------------- 
انت حبيبى ومفيش غيرك
عايشة اكيدطبعا من خيرك
تطلب قهوة اعمل لك شاى
انت قدرى وبرضه نصيبك
------------------- 
ليه يا حبيبى ضارب بوز
كل اوامرك عينى الجوز
عايش معاك على كل صراحة
تطلب عنبه اجيب لك موز
------------------- 
شوف يا حبيبى الحب كبير
عمرى ما شفت معاك تقصير
هات خدامة الشغل كتير
والسيارة معاها شفير
------------------- 
تعالى حبيبى اقعد جنبى
وجودك جنبى بيطمنى
تقول لى حكاية ازيد برواية
اياك يوم راح تزعل منى
------------------ 
انت واخدنى بنت وفافى
شغل المطبخ ما اعرف فيه
هرس البيت كله على اكتافى
تعالى ساعدنى شوية عليه
------------------ 
شوف يا حبيبى واسمع منى
كلك زوق وانت بتفهمنى
انت صريح وصراحتى معاك
اوع تفكر يوم تظلمنى
----------------- 
لو بتفكر تبعد عنى
هاتشوف منى الوش التانى
انت واخدنى وعارف انى
مليش فى الطبخ واحب اغانى
بصراحة ...
----------------- 
\\\عونى هشام\\\