جارى التحميل
استخدم زر ESC أو رجوع للعودة
Hany Hozayen
ست الكل بقى زعلانة....
وعاملة قال موش شايفانا ...
ليه كده بس يا شيخة...
حرام عليكى دى الخيبة....
يوماتى عاملة مقموصة....
وليلاتى عايشة مفروسة....
بالذمة ده كلام يا ننوسة !!!
بقول كده من خوفى عليكى...
اهدى بقى الله يهديكى...
ما تشمتيش العدو فيكى...
انتى ليا كل حياتى...
نهار وليل روحى معاكى....
بتبعدى ليه ...
بس قوليلى ؟!!
احتار فى بعدك تفسيرى ...
طول عمرى قلبى بيهواكى...
وشايف نفسى وياكى....
وروحى ليكى وفداكى...
قوليلى بس وما تخبيش....
ولا انا صبحت ما بهمكيش
بكلمك ليه ما بترديش...
يعز عليا ما تكسبيش...
وبيكى من غيرك...
اكيد هاعيش...
بقلمى..
هانى حُزين
