{عادى} قصيده للشاعره دينا ابراهيم

Dina Ibrahim

*عادي تبعد لما تجرح
ما القلوب بتموت ف ثانيه
و أنت عادي تحب تشرح
لما تجرح مره تانيه

-عادي أفرح بس لحظه
و الدموع تفضل سنين
ف ألقى بس الدمعه جاحظه
و اﻷماني تجيب أنين

*عادي ننسى كل حاجه
حتى لحظة اﻷشتياق
تبقى كلمة شوق سذاجه
و نحيا على كلمة فراق

-عادي نبقى ضد بعض
و ننسى كل الحب بنا
نلقى جوا قلوبنا بغض
يزرع الجرح ف كلامنا

*عارف أنت عادي ليه
أصل كل جراحنا فاقت من زمان
كل جرح بحس بيه
لما بألقى قلوبنا ماتت ..
و هي مفتقده اﻷمان
أصل قلبي لما خان
خان عشان الجرح بان
و أنت قلبك خان كمان
ده عشان مفيناش إيمان

‫#‏دينا_إبراهيم‬♡♡