جارى التحميل
استخدم زر ESC أو رجوع للعودة
صباح مصر
صباح المسك والعنبر
صباح الشاى مع السكر
صباح شمس فى طريق اخضر
صباح مصر بدون خونة
صباح ابيض بلون علمك
ولون احمر شهيد حبك
ولون اسود لمين ظلمك
يا محفوظه بعين ربك
ومذكورة فى قرانه
يا ضى العين ومين قدك
دا مهما تشوفى من ظالمين
هيجى اليوم واشوف عدلك
يا طاقة نور فى تكوينى
يا نيل سارى فى شراينى
يا بنية حمام فى الريف
يا بنوته بدم خفيف
وراكية نار تدفينى فى برد الليل
ياغنيوة جمال حمدان
وسابقة الكون وكل زمان
واغنية فى صوت شرقى
والحانها فى كل مكان
يا لحن جميل بصوت ثومة
زقاق حارة لعم نجيب
وصوت العيلة واللمة
وصوت مدفع بيجمعنا
فانوس رمضان
وصوت رفعت بيغسلنا من الادران
يا سابقة الحرف والمعنى
اكلنا فيك وشبعنا
فمد اديك لو ضعنا
ومدينا بنور فجرك
يبان عدلك
يكون سيفك على السجان
( تمت )
