جارى التحميل
استخدم زر ESC أو رجوع للعودة
متلوميش
**********
متلوميش على مش انا الى بديت
متلوميش نسيتى وانا نسيت
سهيتى ساعة عنى
لقيتنى غصب عنى
بميل لقلب تانى
وعيون منها اترويت
حبك كان لسة رضيع
سبتية منك يضيع
ولا حققتى امانى
والى شرانى شاريت
كنا فى البداية
من اول الحكاية
تهتى من طريقى
من دربك مريت
حسبى بلاش ملام
ولا داعى للكلام
حب خالص غيرك
من حبك اتعفيت
مش هرجع عن طريقى
لانك مش حقيقى
لحظة هنت عندك
المى عنك داريت
حبى انا لقيتة
قلب دافى راعيتة
هو كمان رعانى
هى ما تمنيت
ولا ليكى عندى غير
زكرى فى الضمير
تمر مرور عابر
كأنى ما رأئيت
متلوميش على قلبى
متمريش بدربى
ولا الف دمعة منك
من دموعك شفيت
بقلم / حاتم صلاح
