عهــــــــــــــــــــــــــــــــــــد
08/02/2012
الى / الشهيد الزعيم عبد الكريم قاسم
رحمه الله تعالى الذي قتلته يد الغدر والخيانة
والعمالة وبه قتل العراق الجديد والكادحين والشرفاء
إشلون إتموت
أنت الموت
وأنت المّا يفوتك فوت
يا ثورة شعب ........
ويا عشـﮓ ثوار .......
يا طـﮓ الفشـﮓ
يا الما سكتلك صوت
يا عالي وبخيت
ويا شرف البيوت
إنكسر ظهره لعظمتك
وإنحنى التاريخ
يا زين الرجال المّأ غفى
بتابوت
ما ﮔـدروا عليك يقاتلون رجال
ودوا موتهم غفله إلك بسكـّوت
وسفه أعلى الزلم غفلت واجاها
المــــــــاي
إشلون الماي يـﮕـدر
عالسدود يفوت
طش بينا الحزن من موتك لهليوم
ما نزعت حزنها لهلوكت بغداد
ولا ضحكت بعد موتك
أبد الكوت
ظل لليوم حزنان
التفـﮓ والنخل والزيتون
راح الـﭽـان موت أعلى العدا
وسيف وغضب طاعون
يا خبز اليجوع وثوب للعريان
ويا عصاة موسى الغرﮔـت
فرعون
بعد بيش إنتنخى لو يمرنا الضيم
وبعد بيش إنتدفه
من برد كانون
ظل السيف خايف والكرم خجلان
ومضايفنا زعل بيها الرغيف وعافها
الماعون
بعد إلمن البيرغ ينحني ويـﮕـول
أنا المنون
أكو غيرك يمينه شايله الرشاش
وباليسره محامي وشايل القانون
وعلى يا ﭽـتف بعدك يفتخر الأركان
معذوره وألف حقها إذا من دم
بـﭽـت العيون
دفناك بحزن بـﮕـلوبنا لهليوم
يا نخله .....
وطبعها تشبَّع اليجوعون
وكتبنالك قسم بيه احنا عاهدناك
وحقك يا زعيم الخير
( نحن على الدرب سائرون )
