Dina Ibrahim
كبرت .. أيوه كبرت
لكن هأجري و أفضل أجري لما أشوف الحاجه الحلوه
غزل بنات .. حلويات .. و أتمزج لما أسمع غنوه
أيوه كبرت .. مين قال هنكر
لكن لسه جوايا طفله
بتفسح و بموت ف الغفله
أعمل نفسي مش سمعاكوا
و أتجنن لما أعمل حفله
ليا عادات عاوزه أغيرها
لكن مع نفسي بتصارع
المكرونة البيضه .. بأكولها
و أما أشوف كره ف الشارع .. ببقى هموت .. ما أنا نفسي أزقولها
جوايا طفله .. إيه المانع ؟
كلمة ماما و كلمة بابا .. لسه بقولها
هتمانع علشان السامع ؟!
مين قال لازم يعني أتغير
لما ماما بتعمل كيكا .. جوايا حاجه بتحير
ببقى عاوزه أكول عجينتها .. ف أهرب منها و أقوم أدير
التوت بقى أنا بأضعف منه
أصله بيغري قوي أكمنه
مغري بطعمه و بألوانه
و كلامي كان دايماً عنه
أيوه كبرت .. و هقولها عادي من تاني
أيوه كبرت
