غربة الاحزان
*************
غريبة عنى احزانى غريبة اكيد
ماليش فى الحزن امانى ولا تنهيد
وانتى فى دنيا تانية عايشة المرح
كل ثانية يموت بعمرى الفرح
بحلم يا غربتى اعود تانى اعيش
والم وحدتى يروح ميعودليش
وبسأل روحى وانا حاير
تستاهل لحظة غرام
يعتصر قلبى الندم
حبك على حرام
واعود لاحزان غريب فيها
ادور عن روحى بضيع
ونفسى لما الاقيها
بسقط من الاحزان صريع
ولا قادر على الاحزان
ولاقادرة تغلبنى
وبصبر على الحرمان
قدرى يجينى يصبنى
غريبة عنى احزانى
غريبة اكيد
بقلم / حاتم صلاح انور
