رشا شريف (( بعدنا إزاى ))

بعدنا إزاى
بعدنا إزاى أنا وانت ومين اختار
وليه رضينا بفراقنا ومش إجبار
وإيه وصلنا للحال ده أنا محتار
مش ياما قولنا أنا وانت مالناش غير بعض
ومستحيل يكون بينا ف يوم بعد
مش كنا طول الليل نسهر نحب ف بعض
مش دايما كنا نتكلم عن الإخلاص
وعن حكاية حبنا اللى ماينقاس
اختارنا أنا وانت ليه البعد
وليه صممنا نجرح بعض
وبعد كل سنين الحب ولا حد فينا نفذ وعد
بقينا نتقابل خلاص زى الأغراب
ولما تشوفنى أو أشوفك نحس عذاب
ماكان الحب جوانا وماعجبناش
ولما ضيعنا من بعض حسينا خلاص
بقيمة بعض ونتمنى سنين ترجع
خلاص كفايه حبيبى دموع بقاش ينفع
بقاش ينفع عينيا خلاص تيجى ف عينيك
ولا ينفع يكون فى شئ بينى وبينك
ماهو اللى باع مره عادى يبيع ميه
وبعد الحب والحنيه جيت عليك وجيت عليا
انسى حبيبى إنى أرجع ليك وترجع ليا
انسى قصة حبنا وانسى عذاب جرحنا
انسى يوم البداية وانسى يوم النهاية
ولا أقولك:انسى م الأصل إن إحنا كان بينا حكاية