عماد عزيز (( قابلتها ))

أحدث أشعارى العاطفية 
من 15 سنة ما كتبتش شعر عاطفى 
--------------------------------------------
قابلتها
قابلتها
واتقلبت كل المعانى
اللى انطوت فى الزكريات
واتجددت زكرى جميلة
كان ملجمها السكات
وألف آه من اللى فات
دى حكاية وردية
وغنوة مطلية بلون الحب
وبقايا الآهات
-------------------------
قابلتها
وعنيها فى عنيا 
بنعيد اللى فات
وسالت دمعة من عينى
ونزلت دمعة من عينها
على عينى يا نور عينى
أشوف الدمع على خدك
واشوف صورتك
بلون الحزن والدمعات 
وجوة عنيها كام كلمة
رجعونى بعمرى 
لحكايتى اللى فاتت
من سنين
رجعونى لدنيا مليانة 
بغرام العاشقين
وانا حاسس باحساسها
وحابسة كلامها جواها
وكلمة حب فى عنيها
ومخبية 
وهمسة شوق فى دنياها
ومدارية 
وجابت إيدها فى إيديا
نسيت روحى 
وفرح الدنيا حواليا
ولون الحب فى عنيا
وانا شاعر
بترجم شوقى حنية
وبين أحضانى خبيتها
وعشنا سنين ما عشناها
وهى فى عمق أحضانى
وحاسس بيها وبشوقها
وهى بلهفة ضامّانى
لو الأيام تعود تانى
لشيلك جوة نن العين
وبرموشى أغطيكى
واخبيكى من الأيام
واعمل من هوانا رواية
وحكاية ملانة غرام
يا حلم جميل
حلمته فى دنية الأحلام
----------------------
عماد عزيز - نادى أدب العدوة