بقلمي ،، على مصطفى ،،،ست البنات :-

ست البنات :-
=======
من كام سنة 
كنا حيارى وتعبانين
وقفوا الولاد
الأيد فى أيد متجمعين
قالوا خلاص 
من النهار ده 
ما فيش حزين
عايزينها حرة
يا مجرمين
ست البنات الحلوة 
معصوبة العينين
محرومة من حضن الدفا 
وشوق الحنين
ماسكين أديها 
مكتيفينها السفاحين
نهبوا خيرها 
وشحتوها حتى العجين
حبسوها جوه تابوت 
وقالوا أنت مين
نسيوا حنانها 
وحبها طول السنين
رافعين رايات 
مكتوب عليها مكملين
جالها المخاض 
حبسوا النفس 
مات الجنين
وكأنهم 
على قتلها متجمعين
كانت سكن 
للعاشقين
وأمان 
لكل المغرمين
وحنان 
كمان للمحرومين
ما هى أم 
كل العالمين
ست البنات الحرة
مرفوعة الجبين
قال الإله عنها
فى كتابة
أدخلوها أمنين
طبعاً عرفتوا 
تبقي مين ؟؟
بقلمي ،،
على مصطفى ،،،
10/12/2014 م